Friese luisterboeken

It dak fan de wrâld is de spannende, twadde roman fan Ferdinand de Jong. Dit is it earste Fryske boek dat him yn it fermidden fan berchbeklimmers ôfspilet.

De Sloveenske Xenia, dy’t mei in Fryske boeresoan trout, komt yn de Twadde Wrâldoarloch troch de moeting mei in âlde leafde, no in SD’er, foar drege dilemma’s te stean.

Pippi Langkous belibbet de wûnderlikste aventoeren. Tommy en Annika hawwe in protte wille mei har. Har heit is in seekaptein, mar sy wennet mei har hynder, menear Nilsson, yn filla Keakelbûnt.

Sechstjin ferhalen dy't mei ynmoed beheard wurde troch in pensjonearre kondukteur, dat is de ferhalebondel 'Ik bedoel mar!' yn in nutedop. Friestalig.

Jasper stapt út syn goede baan yn it bedriuwslibben en besiket it yn de keunst. Dat slagget aardich, mar syn relaasjes koene better. Friestalig.

In aap klimt út 'e beam is in mei faasje en humor skreaune satire en foarmet in bitend kommentaar op in maatskippij dêr't ûnfrede foar master opslacht en de waan fan de dei regeart. Friestalig.

Balansearjend op it snijflak fan lân en see leit Einum, in buertskip yn in lânskip fan boulannen mei op de achtergrûn in him yn rap tempo útwreidzjend havengebiet. Friestalig

Yn De treastfûgel folget Hylke Speerstra it spoar fan twa famyljes út Hichtum. Friestalig

Alve yntrigearjende, tragykomyske ferhalen dy't gauris in bizarre draai krije. Mei syn bytiden broeierige stim lûkt de skriuwer jo mei yn it ferhaal. Friestalig

It mearke fan Bilbo Balsma, in hobbit dy't ynbrekker wurdt en yn sân hasten mei dwergen en de tsjoender Gandalf op 'en paad moat om in legindaryske dwergeskat ûnder de wjukken fan in draak wei te stellen. Friestalig

'Yn in foarich libben haw ik in grut seeman west,' sei omke. Neffens muoike wie dat lichtsinnich praat. En doe't wy omke mei de kloet dwaande seagen... Friestalig

Sietse de Vries skriuwt misdiedferhalen dy't jo net mear dellizze as jo ienris begûn binne te lêzen. 'Kûgels foar Kant' is spannend en hâldt tagelyk de maatskippij oan it begjin fan de 21ste ieu kritysk tsjin it ljocht. Friestalig